የዘመናት ጌታ (መዝሙር)- ዘማሪት ፋንቱ ወልዴ

የዕለት የዓመት

የዕለት የዓመት የዘመናቱ ጌታ

ለዚህ ላደረስከኝ ዘመኔን ሳትገታ

አቀርብልሃለሁ የክብር ሰላምታ /፪/

      ኑ እናመስግን ከልባችን

     የሰማዩን አባታችንን

     ከዚህ ዕለት ከዚህ ዓመት ላደረሰን ሁላችንን

የሰው ልጆች ዕድሜ ጥንቱንም ሲጀመር

ምን ቢወጣ ቢወርድ ቢበዛ ቢደመር

አንድ ቀን አይሞላም እንዳንተ አቆጣጠር /፪/

     አዝ…

ስለዚህ አምላክ ሆይ ክቡር ነው ቅዱስ ነው

ወዳንተ እንዲመለስ ቀን የሰጠኸው ሰው

ደካማ ነውና ሰው ዕድሜ ከራበው /፪/

     አዝ…

እጅግ አደንቃለሁ የአምላክን ጥበብ

ምድርን በአበባ ሰማዩን በኮከብ

እንዳሸበረቃት አስተውዬ ሳስብ /፪/

      አዝ…

በከንቱ ጊዜአችን ፈጽሞ እንዳይጠፋ

በርትተን ከሠራን ያላንዳች ነቀፋ

አምላክ የሚሰጠን አለን ፍጹም ተስፋ /፪/

አዝ…

ከንቱ ካሳለፍኩት ጊዜዬን በዋዛ

ምን ያደርግልኛል ዘመኔ ቢበዛ

ደግሞም በጠቅላላው ዓለምን ብገዛ /፪/

አዝ…

ወርሃ ክረምት አልፎ መስከረም ሲጠባ

ምድር በልምላሜ ስታጌጥ በአበባ

እናምናለን ላንተ ምስጋና እንዲገባ /፪/

E.O.T.C: Ethiopian Orthodox Tewahedo Church A.M.H.K.M.S.S: Ambo Meserete Hiwot Kidane Meheret Sunday School